Meigas e trasnos, demos, lobishomes e chupasangues, e por suposto a Santa Compaña... a mitoloxía galega está chea de personaxes capaces de poñer os pelos de punta ó máis valente: quen non oíu falar do home do saco? ou dos mouros que escondían olas de ouro protexidas con prodixiosos feitizos? das xanas de ríos e regatos que enfeitizaban os aguerridos pastores, arrastrándoos ó inframundo? |
Mais, a pesar da súa riqueza, toda esta tradición estase perdendo: inmersos nun mundo globalizado onde as culturas minorizadas non teñen cabida, onde os contos dos avós a carón do lume foron substituídos pola TV, os nosos fillos falan de zombis, vampiros e lobos-home, pero descoñecen todos estes personaxes que facían tremer de medo ós nosos antepasados.
Por iso, desde a Anpa aplaudimos a iniciativa do noso cole de celebrar o Samaín convertidos en terroríficos personaxes da nosa tradición e animámosvos a descubrirlles @s vos@s fill@s toda esta riqueza cultural e a caracterizal@s segundo os modelos tradicionais, sen deixarse levar polas imaxes que nos venden as películas americanas.
Se queredes máis información sobre este tema podedes consultar os seguintes enderezos:
http://galiciaencantada.com
Para coñecer máis sobre o Samaín podedes ver os seguintes libros:
Tedes máis recursos no seguinte enlace:
